Дали ви се допаѓа да го прегрнувате партнерот во кревет, но не ви е многу удобно? Иранскиот пронаоѓач Мехди Можтабави нашол решение. Тој го создал "љубовниот душек", кој е совршен за парови кои сакаат да се гушкат под покривката...

Во горниот и долниот дел на душекот кој сеуште е прототип, има десет процепи во кои партнерите можат да стават раката и да обвиткат саканата во прегратка. На тој начин се спречува непријатното трпнење на претиснатата рака.

Долните прорези пак се создадени за мушкање на ногата под онаа на другата половина. Тоа е многу погодно и за луѓе кои сакаат да спијат на стомак, бидејќи палците на нозете удобно влегуваат во процепите.

Во централниот дел, Љубовниот душек е составен од едно парче, направено од мемори пена.

Целта на Можтабави била да создаде душек, кој ќе ги зближи луѓето. Иако производот има освоено неколку награди, тој сеуште е прототип, бидејќи има собрано само 75 илјади долари, кои не се доволни за масовното му производство. Поради оваа причина тој направил кратко видео со кое цели да најде инвеститори.