Кога тогаш престануваме да се оптеретуваме со својот изглед. Но, резултатите се малку изненадувачки...

Истражувањето го спровела компанијата Benden Health не нешто повеќе од 2000 луѓе. Според него, машките почнуваат да губат интерес за својот изглед во 46-та година од животот. Тогаш веќе не им е важно дали ја избричиле брадата, колкав им е стомакот или што ќе облечат.

Жените пак, од друга страна, многу подоцна почнуваат да го занемаруваат својот изглед. Поточно, 13 години подоцна. Се до 59-та година од животот, жените и тоа како се оптеретуваат со килограм вишок, брчките и облеката. Но, исто така, припадничките на понежниот пол признале и дека почесто чувствуваат недостаток на самодоверба поради својот изглед, а дури половина од испитаниците за себе сметаат дека се во лоша форма.

Многу занимлив факт е тоа што дури 2/3 од луѓето сметаат дека е сосема нормално да престанат да се грижат за својот изглед, ако имаат постојан партнер. како што минува времето, така на луѓето во животот поважна им е удобноста, а не физичкиот изглед, кој за повеќето испитаници подразбира премногу труд и откажување.