Повеќе од 80 истополни парови, вклучувајќи и 24 од странство, си рекоа "Да" во Нов Зеланд откако законот за легализирање на хомосексуалните бракови влезе во сила пред еден месец, покажуваат бројките...

Властите очекуваат бројот да се зголеми, бидејќи Нов Зеланд се движи од темнината на зимата кон  пролетта и летото, омилените денови за свадба.

Од 19 август, кога Нов Зеланд стана 14-тата земја во светот и прва во азиско-пацифичкиот регион, која ги легализираше истополовите бракови, имало 82 хомосексуални бракови. Од нив 42 се меѓу жени и 40 меѓу мажи.

Од 24-те истополови парови кои дошле од странство во Нов Зеланд, за да склучат брак, 13 се од Австралија, 4 од Тајланд, 3 од Кина и по еден од Хонг Конг, Велика Британија и САД, како и една филипинско-американска двојка.

Нов Зеланд ја декриминализира хомосексуалноста во 1986 година и ги одобри истополните граѓански здруженија во 2005 година.