Заборавете за комесарот Рекс. Полицијата во Ротердам - вториот по големина град во Холандија - има нови партнери. Во текот на две години органите на редот таму тренирале пет стаорци да намирусаат дрога, експлозиви, крв и други супстанции, пишува Businessweek...

Глодарите кои според официјални податоци имаат успех 95% во "истраги" си носат имињата на познати детективи - Магнум, Поаро, Дерик (херој во германски криминален серија), Јансен и Јансен (познатото дуо од "Авантурите на Тинтин").

Стаорците нема да се пласираат на злосторствата и нема да бидат блиску до осомничени за да ги надушуваат. Наместо тоа ќе ја мирисаат облеката, земени од можните виновници.

"Тестовите за остатоци од барут бараат хемикалии, микроскопи и специјалисти, односно - и доста време. Ако на пример денес имало пукање и треба брзо да дознаете кој е одговорен за него меѓу неколку осомничени, стаорците го вршат истиот тест за две секунди и се далеку покорисни", коментира дресерката на животните Моник Хамерслаг.

Ротердамската полиција се надева дека иновативниот метод ќе помогне и за намалување на трошоците за лабораториски испитувања.

На Хамерслаг идошла идејата за полициски стаорци пред две години, кога го изучувала учеството на животни во откривањето на кривични дела. Се покажало дека глодарите биле користени и порано во областа, бидејќи имаат многу силно чувство за мирис. Во Мозамбик пример стаорци биле пуштени да откриваат мини, бомби, оружје и муниција, како со нивна помош од слични опасности се расчистени над 6 милиони квадратни метри од територијата на земјата. Во Колумбија пак стаорците ги заменуваат кучињата кои намирисуваат присуството на експлозивни направи.

Тренирање на полициски стаорци сепак си има свои минуси - за тоа е потребно многу време, а и повеќето од "детективите" живеат само меѓу две и три години.