Мачка во руската престолнина Москва беше киднапирана, а нејзините киднапери побараа откуп за да ја вратат...

Мачката Афиша исчезнала пред 2 недели, додека се шетала во дворот пред куќата на нејзината сопственичка Татјана Очинскаја. Афиша носела каишка со адреса и телефон на Татјана за врска ако евентуално се загуби.

Овие денови киднаперите ја контактирале со Очинскаја и од неа побарале 5.000 рубљи (околу 115 евра), за да ја вратат мачката. Жената побарала помош од полицијата, но оттаму не покажале никаков интерес кон кражбата, дури и се насмеале.

Очинскаја била принудена да го плати бараниот откуп, така што по желба на киднаперите го превела износот во банка "Руски стандард". Мачката сепак уште не и е вратена. Киднаперите и испратиле слика која докажува дека мачката е жива.