Џорди Гелер (36) е опсесивен кога станува збор за патики и има 2.504 парови, а го држи и Гинисовиот рекорд како најголем собирач на овој тип на обувки во светот...



Изгледа дека и опсесијата може да згасне после некое време, па Џорди после 14 години собирање на патики, одлучил да ги продаде.

„Моите први имиња се Џордан и Мајкл и тоа беше запишано на небото дека ќе ги сакам патиките. Многу го сакам брендот „Nike“, отсекогаш му бев најголем фан“, рекол Американецот.

Собирањето му станало толку голема опсесија што морал да отвори изложбен простор за патики во Лас Вегас, каде што живеел.

„Љубовта према патиките ми премина од татко ми. Тој трчаше на маратони кога бев дете, ме водеше на спортски активности и ме научи се за овие марки на патики.“, рекол Џорди.

Истакнал дека неговиот омилен модел на патики се "Nike Air Max 97", затоа што тие се првите што се појавиле со воздушен ѓон. Меѓутоа, овие два пара од неговата колекција нема да бидат продадени.

„Имам патики од поранешниот спортист и олимпиец "Гејм Ворн Ер Џордан 1" кои нема да ги најдете во продажба преку веб-сајтот "E-bay"“, раскажал големиот колекционер.