Моторџијата Звонко Пауновиќ од Речица во близина на Петровац се уверил дека не е секогаш добро да се чешла убаво пред фотогографирање, затоа што необичната фризура може да му донесе неочекувани бенефиции...



Неговата фризура на фотографијата за возачка дозвола секогаш ги насмевнува сообраќајните полицајци, па Звонко добива само предупредувања.

„Кога отидов во полицијата по возачката дозвола, на главата имав зимска капа. Веднаш штом влегов, почнав да флертувам со службеничката на шалтерот. Се чини дека тоа не и се допадна, па откако ја симнав капата, како казна воопшто не обрна внимание на фризурата“, рекол Пауновиќ.

Иако не бил задоволен кога подоцна ја видел фотографијата на возачката, наскоро сфатил дека таа му е предност на патиштата.

„Штом ја видат мојата возачка дозвола, сообраќајните полицајци ми се смеат, затоа што велат дека се уште не виделе документ со ваква фризура. Кога се така расположени, секогаш ме пуштаат само со предупредување“, вели Пауновиќ.