100 метри на високи потпетици за помалку од 15 секунди, колекција од над 300 правосмукалки и коза, која поминува 36 метри на скејтборд. Гинисовата книга на рекорди за 2014 година, изобилува со луди рекорди...
Сонот на ексцентричниот 33-годишен Британец Џејмс Браун, кој се стремеше да влезе во Гинисовата книга на рекорди, стана реалност благодарение на импресивната колекција од 322 правосмукалки. Иронично младичот кој ја добил првата правосмукалка само на 8-годишна возраст, не е по чистењето. "Не сакам да домаќинствувам", вели тој, позирајќи со "ѓердан" од цевките на правосмукалките околу вратот.
Германката Јулија Плешер пак се прослави откако истрча 100 метри за 14 секунди и 531 илјадити во вечерна наметка и со високи чевли.
Во животинскиот дел коза успеала да се задржи стоички на скејтборд 25 секунди, Поминувајќи растојание од 36 метри.
4-годишното куче Ози поминало по јаже долго 3,5 метри за 18 секунди и 22 стотинки.
Во Гинисовата книга на рекорди оваа година спаѓаат и двајца акробати.
12-годишниот Индиец Рохан Кокане успеал да помине растојание од 10 метри на ролери на височина само 25 см од земјата. Подвигот го извршил со голем расчекор, држејќи го тело блиску до земјата.
Младата Леилани Франко од англо-филипинско потекло, која поседува исклучителна флексибилност, успеала да направи мост и така да помине 20 метри со рекордна брзина од 10 секунди и 05 стотинки, без да престане да се смешка.
Екстравагантните возила исто така влегуваат во Гинисовата книга на рекорди, вклучувајќи го најимпресивните мотор некогаш создаден. Тој е висок 5,10 метри, долго е 10 метри и тежи околу 5 тони. Црвениот мотор со две тркала, создаден од Италијанецот Фабио Реџа, е шест пати поголем од нормалниот мотор. Тој има само три брзини, како и рикверц.
