Јапонската железница Кијушу претстави нов воз, „Нанацубоши“ дизајниран за богати патници, кои за време на патувањето ќе можат да уживаат во луксуз како во хотел со "седум ѕвезди"...

Возот "Нанацубоши" има седум вагони со ресторан, пијано бар и 14 големи приватни апартмани, кои се исполнети со инвентар од дрво и кревети „кралска големина“, работна маса, посебна бања и тоалет со WC седиште на греење.

Патувањето со овој воз околу јужниот јапонски остров Кијушу трае четири дена, а билетите за аранжманот вклучуваат три ноќевања за две лица, кои чинат 1.13 милиони ¥ (околу 9.000 евра).



Возот на интернет се рекламира со "префинет и достоинствен" дизајн, кој претставува спој на "јапонски и западен дух" и "мешавина од модерно и класично". Возот ќе тргне следниот месец на првото патување. Аранжманите за "луксузно крстарење на шините" се распродадени до јуни 2014.