Во медицината, бизнисот и односите е најдобро компликациите да се избегнуваат. Кај часовниците "компликациите" сепак се повредни од накитот. За да го докаже тоа 174-годишната марка за луксузни часовници Patek Philippe го претстави оваа година најсложениот часовник во историјата...

Часовникот носи името Reference 6002 Sky Moon Tourbillon и има 12 механички карактеристики, или "компликации", меѓу кои механизам турбион, одбројување на минутите, небесна карта и вечен календар.

Небесната мапа на грбот на часовникот го покажува вечерното небо во зависност од тоа каде се наоѓате, додека дисплејот за лунарната фаза покажува во која фаза се наоѓа месечината.

Развојот и создавање на часовникот траело седум години, а самото гравирање на различните елементи трае повеќе од 100 часа. Механизмот за одбројување на минутите има вграден "гонфг", кој наликува црковна камбана. Цената на сите овие "компликации" е 1,3 милиони долари. Ако немате пари, сепак, тоа не значи дека може лесно да го добиете овој часовник.

Оние кои сакаат да купат часовник, треба да аплицираат за тоа и да докажат дека и пред тоа биле клиенти на Patek Philippe и го ценат правењето слични часовници.

"Дури и ако предложите 6 милиони долари за часовникот, нема да ви го продадеме, ако не бидете одобрен", вели Лари Петинели, претседател на Patek за Северна Америка. Од Patek не соопштуваат колку часовници од моделот 6002 ќе произведат, но Петинели вели "многу малку."