Морбидно - опседната обожавателка си го убила своето куче затоа што членовите на бендот не ја "следеле" на Твитер...

Сите ги знаме интернет форите како што се "Ако добијам толку и толку фанови, ќе го направам тоа и тоа", или "Ако ме следат толку и толку луѓе, ќе се случи тоа и тоа". Со овој пристап за здобивање со следбеници на друштвените мрежи се послужила и една опседната обожавателка на британскиот бенд.

Таа на својот Твитер напишала порака за One Diretion - "Следете ме или ќе му го скршам вратот на моето куче".

Дали членовите не ја сфатиле сериозно или од многуте пораки не ја виделе нејзината, па девојката потоа објавила фотографија на која го држи кучето легнато на подот, а потоа на еден член од бендот, Лијам Пејн му напишала - "Ве сакам, но моето куче умре".

Со оваа порака девојката прикачила и фотографија на која плаче и го прегрнува кучето. Објавата во меѓувреме била избришана.

Не е познато дали девојката навистина и го скршила вратот на невината чивава поради "љубов" кон омиленот бед и желбите за популарност на Твитер, или целата приказна е само несолена шега.