Австралиецот Том Денис (52) за малку повеќе од 20 месеци изминал 26 000 км. трчајќи. Тој се надева дека со ова достигнување ќе постави светски рекорд...

Со своето достигнување Денис доби 49 000 долари за добротворната организација Оксфам. Авантурата осамен тркач на долги патеки ја започна на 28 декември 2011 година пред зградата на операта во Сиднеј. За време на оние над 20 месеци тој преминал пустини и планини во пет континенти. Постигнувањето допрва треба да биде официјално признато, но Денис се надева дека поставил светски рекорд. Откако помина со трчање за 622 дена во Нов Зеланд, Северна Америка, Јужна Америка, Европа и Азија, неуморно маратонецот вчера заврши под турбулентните аплаузи на свои сонародници таму каде започна - пред зградата на операта во Сиднеј.

"Отсекогаш сум чувствувал задоволство од патувањето во покраината и трчам, откако сум наполнил 12 година", изјави за новинарите Денис.

Таткото на две деца сподели со новинарите неколку инциденти кои ги надминал за време на своето патување. Тоа дека налетал на змии за време на турнејата едноставно му го кревало адреналинот, но најопасниот момент бил кога во САД бандит вперил пиштол кон жена му Кармел, која го придружуваше со автомобил за време на светската турнеја.

Засега тркачот планира да направи кратка пауза, а потоа да го слави постигнувањето.