Гитхорн во холандската провинција Overijssel, е тивко и мирно село во кое улиците се реткост. Познато е како "Венеција на северот"...

Тоа е поделено на стар и нов дел. Во стариот дел нема патишта и целото движење се остварува преку чамци.

Гитхоорн е основано во 1230 година од група на бегалци. Кога тие пристигнале во регионот, првото нешто што забележале било огромна грамада од козји рогови, останати по огромната поплава, што го опустошила регионот пред неколку години. Првично тие го крстиле местото Geytenoorn од "geit"-коза, но локалниот дијалект претрпел одредени промени и името се трансформира во Giethoorn.

Уникатниот изглед, селцето го должи на најраните обиди за екстракција на тресет. Жителите ископале јами, кои подоцна се исполниле со вода, претворајќи се во мали или големи езера. За да можат да пренесуваат тресет од едно место до друго, требало да се движат по создадените за таа цел канали и ровови. Па без воопшто да имаат таква намера, тие создале една од најуникатните туристички дестинации во светот.