Приказната за млад човек на возраст од 16 години, израснал во шума во Сибир...
Руските власти неодамна го пронашле. Набрзо тамошните медиуми биле преплавени со стории за необичниот живот на "момчето од шумата", "сибирскиот Могли". Момчето се вика Оџан, кој рекол дека нема намера да се враќа да живее во цивилизација.
„Јас сум среќен во дивината. Сакате да се преселам поблизу до градот? Пред да го направам тоа, мора да создадеме поцивилизирано општество и да го решиме проблемот со смрдеата и загадувањето во градовите“, рекол Оџан. Тој до минатата недела не видел ниедно човечко суштество освен мајка му и татко му.
Родителите на Оџан пред 16 години одлучиле да живеат во дивина. Момчето не оди на училиште, никогаш не добило вакцини и цел живот е надвор од цивилизација. Родителите го образувале сами, а тој во дивината научил и англиски јазик.
По сите овие години, момчето побарало помош од луѓе во цивилизација затоа што неговите родители исчезнале во мај годинава. На крајот на топлите денови се исплашил дека ќе ја помине зимата сам во шумата, па така одлучил да побара помош во соседното село.
