Фармери од Јамајка им нудат на туристите една необична тура, учејќи ги како да одгледуваат и пушат канабис. Иако одгледувањето на билката позната уште и како "ганџа", на островот е илегално уште од 1913 година, таа се одгледува ширум земјата...

Туристите може да го прескокнат научно-образовниот дел од програмата кој подразбира учење за одгледување на билката, и едноставно да уживаат во "тревата", обиколувајќи го Најн Мајл, родното место на Боб Марли.

Компанијата "Џамејка Мекс" која ги организира овие тури, своите услуги ги рекламира на Јутуб, нудејќи обиколка во областа Негрил, во која обаа билка најмногу се одгледува. "Негрил е место каде се одгледува најдобрата марихуана на светот. Овде можете да најдете најевтини билки за пушење", велат во видеото.

Но, туристите мора прво да пушат пред водичите за да бидат сигурни дека не се полицајци.

"Дома може да најдам и посилни работи, но има нешто посебно во тоа да пушите на Јамајка. Мислам, ова е марихуаната која го инспирирала Боб Марли", рекол еден од туристите од Минесота.

Фармерот од Најн Мајл, чиј надимак е Бризи, вели дека овие тури најмногу ги привлекуваат Американците, Германците и Русите, кои плаќаат и по 50 долари за саканиот опијат.