Мобилниот оператор Vodafone стана жртва на хакерски напад против личните податоци на два милиони германски клиенти при што биле украдени нивните банкарски податоци, соопштија од компанијата...

Компанијата Vodafone соопшти дека ги информирала засегнатите клиенти со е-мејл, и изрази уверување дека кражбата на личните податоци не се однесува за броевите на кредитните картички или мобилни телефони на заинтересираните. Земени се сепак имиња, адреси, датуми на раѓање и банкарски податоци, признава Vodafone, подружница на истоимената британска група.

Според компанијата само детално разбирање на системот и голема доза криминална енергија го вклучил одливот на податоците кои се длабоки тајни во компјутерскиот систем. Властите веќе идентификувале еден од хакерите, по сигналот од Vodafone. Инцидентот се случил во момент кога Германците се длабоко вознемирени од откритијата на поранешниот консултант на американските разузнавачки служби Едвард Сноуден за шпионски практики во Европа.