Hulk живее во Кина! Неименуванот 24-годишен Кинез буквално позеленел затоа што со месеци јадел големи количини на речни полжави...



Момчето е хоспитализирано, а лекарите велат дека неговата кожа е зелена, бидејќи е заразен со паразити кои влегле во неговиот црн дроб.

Лекарите од Центарот за контрола и превенција на болести во Гванжуу, велат дека момчето е заразено со паразити и црви, кои живеат во црниот дроб на животните. Овие паразити доспеале во неговиот организам, бидејќи тој секојдневно јадел речни полжави.

„Редовно јадев пржени полжави, особено во последните неколку месеци. Секој ден јадев барем по една чинија“, рекол младиот болен човек. Додал дека болките во стомакот ги почувствувал пред два месеца, но тогаш не одел на лекар.

„Кога видов дека кожата станува зелена и ја менувам бојата на белките во очите, побарав лекарска помош. Изгледав како Hulk“, раскажал Кинезот, кој се опоравува во болница.

Лекарите кои отстраниле 4 црви од несреќникот, кажуваат дека секој од нив бил околу 10 милиметри долг и околу 8 милиметри широк.