Марк Џејкобс е на чело на Луј Витон и поседува два исклучително успешни модни брендови, но изгледа не планира да го ограничува својот талент во модата...

Тој создаде козметичка линија во соработка со брендот Сефора, вклучувајќи шминки специјално за мажи. "Јас ги тестирам лично сите производи. Видете ми ги веѓите и сочните усни" , изјави њујоршкиот дизајнер за нова линија Boy Tested, Girl Approved . Во видео, Џејкобс разговара со мажи, идните купувачи, претставувајќи им ги омилените производи, кои секогаш се наоѓаат во неговиот шкаф. "Постојат производи кои мене лично ми се допаѓаат да ги користам и јас сметам дека можат да се унисекс", вели дизајнерот.

"Тоа е коректорот Remedy кои има прекрасен врв од паладиум и создава прекрасно и свежо чувство во пределот под очите. Бог ми е сведок дека секогаш користам малку коректор Remedy. Потоа доаѓа четката за веѓи, која има нежна апликација, а не е леплива и цврста. Конечно доаѓа Liplock со прекрасен нане свеж вку . Многу е важно усните да се прекрасно ВЛАЖНИ, па секогаш да бидете подготвени за бакнеж", вели Џејкобс.

Линијата на дизајнерот вклучува и сенки со палета од седум бои. Козметиката за мажи станува профитабилен дел од индустријата со козметика благодарение на добро одржуваните ѕвезди како Дејвид Бекам и Џорџ Клуни.

Марк Џејкобс не е единствениот моден магнат, кој се свртел кон овој пазар. Следниот месец Том Форд ќе започне козметичка линија со производи за мажи, што ќе се приклучи на многу успешната козметичка линија за жени.