Дан Наинан живее во Њујорк, градот со најдобар јавен превоз, но тој сепак избира да пешачи, понекогаш дури и со километри за да стигне до својата цела...

Кога патува секогаш се труди да најде бесплатно сместување, а во кафичите може да го видите само ако му затреба бесплатен Wi-Fi, пушува Yahoo.

Важно е да се спомене дека тој е скржав милионер. "Постојат два начини да станете милионер или многу заработувате или штедите", вели Наинан. "Јас ги комбинирав двете".

Иако ја напуштил својата работа како програмер и станал stand-up комичар, успеал да заштеди околу 1.6 милиони долари. Она што му било хоби сега му носи заработка од десет илјади долари по настап. Голем дел од тие пари Наинан веднаш ги става настрана и шеди, затоа што, како што тврди, никогаш не може да знае кога работодавачите ќе престанат да го бараат.

Дури и кога работодавачите великодушно му ги покриваат патните трошоци, Наинан внимава тој пат да го плати што помалку. Во една прилика автобусот до Бостон го платил 1 долар, а на тој настап заработил десет илјади долари. Смета дека неговата штедливост со еден дел е вродена, бидејќи тој има индиско јапонски корени, а и двете нации се многу штедливи.

Наинан никогаш не купува нови производи и секогаш се труди да пронајде во огласите како купувањето да го помине поевтино. Се шиша најмногу за 10 долари, а маиците не ги плаќа повеќе од 15. Исто така одбива на своите семејство и пријатели да им купува било какви поклони. "Со години ги тренирав да не очекуваат ништо од мене и уште поважно - ништо да не ми поклонуваат. Ништо не ми треба затоа што живеам многу едноставно", завршува Наинан.