Со векови луѓето се обидуваат да утврдат дали можеме да се вцрвиме во лицето ако се засрамиме, дури и кога сме сами или во темница...



Долго се верувало дека тоа е невозможно, бидејќи се сметало дека црвенилото е општествена реакција, која се јавува поради чувство на срам во нечие друштво, па со оглед на тоа се констатира дека нема шанси да се вцрвиме кога нема никој во наше присуство.

Пред развојот на топлински чувствителните камери, науката не располагала со технологија, со што ќе обезбеди убедливи докази. Научниците од Германскиот универзитет во Ерфурт и холандската академија "Pataphysics" од Амстердам, со помош на истражување заклучиле дека образите можат да ни се вцрват и во мрак.

Истражувачите Дениз Вахтер и Волтер Сентџенс користеле термички камери и во мрачна соба за да видат дали личноста на која и е раскажана непристојна приказна ќе го смени изразот на лицето.

„Докажувајќи дека луѓето можат да се вцрват во мрак, конечно решивме прастар проблем. Фактот дека луѓето можат да се засрамат кога се сами или кога никој не ги гледа, би можело да има влијание врз понатамошното истражување за толкувањето, функцијата и значењето на црвенилото“, напишале во списанието "Annals of Improbable Research".