Реџеп Серт (27) е петти пациент во Турција, на кој му била извршена операција - трансплантација на лице...

Хируршкиот зафат бил сложен, а бил изведен на Универзитетската клиника во Анталија, Акдениз. Според зборовите на докторите кои ја извршиле 6-часовната интервенција, операцијата била успешна, што значи дека Серт ќе се опорави.

„Совршено е. Не очекував дека ќе биде толку добро“, напишал Серт по операцијата, кога за прв пат го погледнал сопственото лице во огледало. Бил воодушевен од својот нов изглед и цело време ги допирал неговите образи со рацете.

Серт се повредил додека го чистел својот пиштол. Потоа го изгубил окото и останал со половина лице. Реџеп добил делови од тело од полски турист, кој загинал на 17-ти јули. Веднаш следниот ден на 18 јули му ги трансплантирале брадата и лицето.

Лекарот Изленен Озкан, професор на Одделот за пластична, реконструктивна и естетска хирургија на клиниката Акдениз, кој бил на чело на тимот што ја извршил 6-часовната операција, рекол дека наскоро Серт ќе се чувствува подобро и ќе му спласне отокот што го има во моментов на лицето.

„Пациентот ќе има лице со нормален изглед. Ние се надеваме ќе биде многу убав“, рекол Озкан, кој го пофалил својот тим.

Овде можете да го погледнете видеото.