Сара Колвил (38) од Англија во март 2010 година заспала после силен напад на мигрена, а следното утро се разбудила и открила дека поранешниот англиски јазик го заменила со кинески акцент...

Сара од Плимут месечно има до десет пати силни мигрени, а не можеле да се излекуваат со помош на медицина. На крајот сето тоа довело до т.н. синдром на странски акцент. Оваа болест е толку ретка, за што сведочи и податокот дека во периодот 1941-2012 година се евидентирани само 61 случаи. За овој вид на пореметување засега се знае само дека е поврзано со главоболки и претставува еден вид на невролошко оштетување на мозокот.

Уште откога се појавил овој синдром, Сара постојано се труди да го поврати својот стар акцент. И покрај нејзините напори, резултатите се многу мали, а лекарите воглавно остануваат збунети за овој проблем. Најмногу ја нервират тоа што луѓето што не ја познаваат ја сметаат за странец и се обидуваат да погодат од каде е, иако целиот свој живот живеела и се уште живее во Плимут.

Сара се обидува да ги објасни непријатностите што и ги создаваат сопствениот глас и акцент во новиот документарен филм на Би-Би-Си. Поради нејзиниот говор се чувствува како странец и не се вклопува со средината каде живее.



Кеј Расел (52), исто така страда од тешки и чести мигрени, поради што пред неколку години настрадала од истите симптоми како и Сара. Кеј иако е родена во Глочестшир, звучи како Французинка.