"Sky 32" е елитна оаза во луксузот и се наоѓа на 32-тиот кат во "Galaxy Macau" во Макао, Кина. Луксузниот салон за ВИП посетителите нуди фантастични погледи, дијамантски лустери и шест луксузни сали, каде големите играчи внесуваат најмалку 10 милиони јуани (1,6 милиони долари) за почеток...

Казиното е отворено во 2011 година, откако изградбата траеше девет години. Идејата беше луксуз пред сè. И со право, зашто денес 600-те маси за покер и 250-те хотелски соби ги привлекуваат најбогатите клиенти од Кина.

Покрај загриженоста дека кинеската влада може да ја зајакне контролата врз коцкањето во Макао, "Блумберг" тврди дека бизнисот со обложување на ВИП лицата оди добро. Приходите од "Galaxy Macau Casino" за минатата година изнесуваат 38 милијарди долари. Изградбата на мегаказиното "Galaxy Macau" чинеше 2 милијарди долари, но пак приходите само за март 2013 година изнесуваат 3,9 милијарди долари, тврди "Блумберг".

ВИП салата е на 32 кат, тука има и лоби, каде се поздравуваат големите играчи. Се во "Sky 32" е неверојатно луксузно, дури и масите за гости, кои не сакаат да играат и да се обложуваат. Казиното има шест сали, вклучувајќи осамена соба, така што насекаде дизајнот е неверојатен.