Јапонската козметичка компанија "Канебо" добила 8600 поплаки од клиенти, кои го користеле нејзиното средство за белење на кожата...

Препаратот ја избелува кожата нерамномерно, како  резултат на кое можат да се појават бели дамки. По спроведената сопствена истрага од "Канебо" признаа дека во 4000 случаи корисниците имаа слични проблеми.

Од препаратот биле произведени 605 илјади вијалата, кои се нудат во околу 15 илјади продавници низ цела Јапонија.

Ова е втор случај во последните неколку години, кога "Канебо" се вплеткува во скандал. Во 2005 година јапонските власти открија дека раководството на компанијата скрило огромни загуби настанати поради кризата, со цел да бидат измамени инвеститорите и акциите на "Канебо" да не ја изгубат својата вредност.