Младите мажи не се така авантуристички настроени како татковциte, бидејќи не се во добра физичка форма и им недостасува мотивација, покажа новото истражување...

Тоа покажува дека во последните 35 години мажите не се толку склони да се впуштаат во активности кои го зголемуваат адреналинот. Истражување, спроведено во крајот на 70-тите години на минатиот век, покажува дека мажите се со 48% поголема веројатност од жените да се занимаваат со спортови кои го креваат адреналинот.

Денес сепак мажите се само со 28% поголема веројатност од жените да учествуваат во авантуристички активности како скокање со падобран, нуркање или планинарење. Научниците тврдат дека тоа покажува понамален апетит на мажите кон активности кои го креваат адреналинот во однос на зголемениот интерес кај жените кон екстремните спортови.

Д-р Кејт Крос, која го спровела истражувањето во Универзитетот Сент Ендрјус, изјави дека резултатот покажува дека младите мажи ја имаат изгубено искрата потребна за впуштање во возбудливи активности. Загубата на интерес кон екстремните активности може делумно да се должи и на намалувањето на разликите меѓу двата пола.

"Оваа интерпретација е поддржана од фактот дека учеството во спортовите на колеџ станува избалансирана меѓу половите поради напорите за охрабрување на жените да се вклучат во спортските активности", истакнуваат авторите на студијата.