Британецот Сиеран Келсо (8) многу сакал да го запознае женскиот делфин Винтер, "ѕвездата" од филмот "Приказната за делфинот" (2011), па неговите родители и луѓе со добра волја му помогнале да му се оствари неговиот сон...



Како многу мал заболел од менингитис, поради што докторите пред неколку години морале да му ги ампутираат двете нозе. Му ставиле протези, кои му овозможиле да живее живот до одреден степен сличен како и на неговите врсници.

Гледајќи го филмот "Приказната за делфинот" - вистинска приказна за женскиот делфин, кој ја изгубил својата опашка во стапица за ракови. Така момчето посакало да го види во живо ова животно.

„Неговите први зборови кога го виде филмот беа: `Винтер е беспомошен исто како мене", изјавил татко му на Сиеран, Гери Келсо.

Кога родителите сфатиле колку сака да ја запознае неговата омилена "филмска ѕвезда", родителите одлучиле да го изненадат Сиеран. Купиле билет за Флорида и се упатиле кон аквариумот каде Винтер живее.