Германец покренал агенција за лажење, исполнувајќи ги сите желби на клиентите. Вели дека бизниост му цвета. Патрик Улмер (28) од Берлин покренал необична агенција која пружа услуги на професионално лажење...

Улмер можте да го ангажирате наместо вас да праќа лажни пораки, да ја одржува вашата лажна адреса за случај да водите двоен живот, да ве извлекува од работа лажејќи дека во прашање е итен случај...

Тој помага да осмислите лага која најдобро ќе ве извлече од проблемот во кој се наоѓате, а при тоа и како истата да ја пласирате. Не го сака терминот "лажа", преферира својата канцеларија да ја нарекува "Агенција за алиби".

"Еден од најдобрите клиенти ми е бигамист, кој има две жени во два града. Нему му го одржувам станот во кој никогаш не седе, но кој го изнајмил за да една од неговите жени да мисли дека овде живее во текот на месеците кога "работи" во другиот град. Се случувало и да морам повремено да го посетам, како колега од работа, кога жена му дојде во посета", рекол Улмер.

Неодамна во една епизода од една популарна германска криминалстичка серија "Tatort" беше прикажано баш ваков бизнис, агенција за лаги, но Улмер скромно вели дека неговата работа не е толку обемна.

"После таа епизода, побарувачката порасна. Добро работиме во Германија, а се надевам дека наскоро ќе отвориме и канцеларија во Австрија", вели Улмер. Но, дали да му веруваме во било што и да каже?