Анонимен руски милијардер купи Мерцедес, користен од Адолф Хитлер, за неколку милиони долари, објави германски весник...

Трговецот на стари автомобили Михаел Фројлих за германскиот весник "Експрес" изјавил дека претставник на милијардерот се поврзал со него и го замолил да разбере што се случило со Мерцедесот 770K.

Тоа траело неколку недели пребарување, тој открил дека автомобилот бил продаден по Втората светска војна, по што бил изложен во музеј за стари возила во Лас Вегас и на крајот бил купени од баварски богаташ, чија сопруга го продала по неговата смрт."Во средата добив информации, на кого е бил продаден", изјави Фројлих. "Автомобилот станал сопственост на приватен колекционер и бил во гаража во Bielefeld (Западна Германија). Тој поседувал шест од овие многу ретки модели ", додаде трговецот.

Фројлих рекол дека ја проверил автентичноста на автомобилот, користејќи ги оригиналните документи и стари слики." Дури регистарски таблички биле исти: 1A 148461.

Разговарав со обвинители, за да се потврди дали трансакцијата е законска. Тие не изјавија ништо, бидејќи на автомобилот не се гледаат никакви нацистички симболи ", додаде Фројлих. Рускиот купувач, кој во петокот пристигнал во Германија со приватен авион за да го потпише договорот, ја купил целата колекција, објави весникот, дополнувајки дека само за колата на Хитлер платил помеѓу 4 и 10 милиони евра.