Папата Фрањо повторно го прекрши протоколот и стана една од главните вести во светските медиуми, затоа што се појави на фејсбук со фотографија од него со тинејџери...



Папата се фотографирал со тинејџерите во Црквата Свети Августин во Рим. Фотографијата е сликана со телефон, а еден од тинејџерите подоцна ја поставил на социјалната мрежа, каде веднаш привлекол внимание и станал сензација.

„Не станува збор за било каков вид на маркетинг. Папата сака само да биде со луѓето, исто како што неговиот претходник (Бенедикт Шеснаесетти) сакал да го поминува времето со книги“, коментирал познатиот хуморист и колумнист за италијанскиот весник "Coriere de la sera", Бепе Северњини.

Папата Фрањо ги фасцинирал луѓето од цел свет со својата скромност и смисла за хумор. А некогаш има навика и лично да ги повика оние кои пишуваат писмо.

Сепак, неговото опуштено однесување не наидува секогаш на одобрување од верниците. Така, корисник на социјалната мрежа Твитер, откако ја видел фотографијата на папата со тинејџери, напишал статус: "Сега видов сè. Се приближува крајот на светот".