Ако ги барате во атлас вистинските имиња на населените места во САД, големиот американски град на брегот на езерото Мичиген, нема да го најдете како Чикаго, туку како Смрдлив кромид, соопштува БиБиСи...

Причината е дека германските картографи Штефан Хормес и Зилка Поист кои се сопружници, направиле мапа на САД, на која се обиделе да ги нанесат оригиналните имиња на населените места.

Според нив Чикаго доаѓа од француската интерпретација на шикаакуа, односно смрдлив кромид, поради големите насади од овој зеленчук по бреговите на реката Чикаго.

Некои од толкувањата на Германците се засноваат на тврдења со толку далечни корени во времето што нивната вистинитост тешко може да биде докажана. А и се појавуваат радикално спротивставени толкувања.