Кога последен пат сте легнале во кревет без мобилен телефон?...

Сигурно не се сеќавате, а такви како вас ги има многу. Поточно, 24% од луѓето се зависни од проверување на мејлови и друштвени мрежи преку своите смартфони уреди пред спиење, поради страв дека нешто ќе пропуштат. Барем така открило едно британско истражување.

Токму тој стрес поради постојанито онлај престој, е причина зошто ноќе спиеме лошо, а негативното влијание е присутно и денот потоа. Како што пренесува Daily Mail, дури 60% од луѓето се будат три пати во текот на ноќта, затоа што не можат да спијат. "Светлото од мобилниот, телевизорот и сличните уреди го спречуваат производството на мелатонин во мозокот, кој ни помага полесно да заспиеме".

"Никогаш порано толку многу луѓе на светот не страдале од несоница или лош сон. Избегнувајте ги мобилните, лаптопите и телевизорите барем еден час пред спиење", предупредуваат стручњаците.