Идните родители кои зборуваат и беат пред бебињата додека сеуште се во стомакот, со тоа им даваат добра основа за развој на говорни вештини. Фински научници тврдат дека бебињата уште во стомакот ги памтат зборовите кои ги слушаат. Кога ќе дојде на свет, бебето веќе го знае начинот на кој членовите од семејството зборуваат, смета научникот Мина Хатлајнен...

"Тоа е знак дека бебето многу бргу го развива чувството за учење на јазикот и ги усвојува звуците кои ги слуша", вели Мина.

Студијата покажала дека бебињата ги помнат звуците кои ги слушаат додека сеуште се во стомакот и дека веќе во мозокот на фетусот се развива врска која им овозможува да ги обработат мислите и чувствата од "надворешниот" свет.

Веќе пости доказ дека фетусот може да учи и подоцна, како бебе, да се сеќава на песните или она што му е прочитано од книгата пред да биде родено.

Во ова истражување, научниците на неродени бебиња им го повторувале зборот, "татата", кој нема никакво значење, но се вклопува во правилата на финскиот јазик. Вкупно 33 жени учествувале во тоа испитување и од 29 недели на бременоста до самото породување, половина од нив стотици пати го преслушале снимениот збор, со варијации на буквите, како на пр. "татоа".

При тоа, после породувањето, следена е скоја активност на мозокот кај бебињата кога го слушаат овој збор. Новореденчињата кои го слушале овој збор додека биле во стомакот, покажале реакција кога го слушале и можеле да ги забележат промените во зборот.

Професор Хатлајнен нагласува дека бебињата почнуваат да слушаат звуци дури во втората половина од бременоста и ги советуваат родителите да им зборуваат на своите сеуште неродени деца.