Хималајскиот-персиски убавец - полковникот Мјау, е официјално мачор со најдолго крзно во светот, соопшти весникот "Дејли мејл". Миленикот живее кај Ан Мари Авеј и Ерик Росарио во Лос Анџелес, Калифорнија...

Две годишниот мачор има должина на крзното цели 23 сантиметри. Таа е мерена од тројца независни ветеринари кои ја пресметале просечната должина врз основа на десет крзна. Потоа доказите биле испратени на жирито за потврдувањето на рекордот. Тој ќе биде вклучен во новото издание на Гинисовата книга на рекорди - во септември 2014 година.

Веќе знаевме дека тој е најдобар мачор на светот, но да биде избран од Гинисовата книга на рекорди е едно повисоко ниво. Во куќата буквално сè е во влакна, вклучувајќи не и нас. Имам чувство дека постојано чистат со правосмукалка", изјави Ен Мари.

Грбот на полковникот Мјау треба да се чешла по три пати неделно и во оваа задача се вклучуваат и двајцата негови сопственици. Не користат средства за крзното на мачор, го мијат само со вода, а потоа го чешлат.

Полковник Мјау стана интернет сензација откако доби своја страница, страница на Фејсбук и канал на Youtube кој веќе е посетен од над два милиони луѓе.

"Полковник Мјау е одгледуван за слава, и знаев дека бушавиот мачор ќе стане голем хит меѓу читателите. Тој е неверојатно суштество и несомнено ќе ги инспирира луѓето од целиот свет да ги измерат крзното на сопствената мачка. Среќни сме да го прифатиме во семејството на Гинисовата книга на рекорди и како што ќе видите наскоро, тој е само еден од многуте забележителни рекорди во новата книга", изјави Крег Глендеј, главниот уредник на Гинисовата книга на рекорди.