1/4 од британските туристи барале помош во амбасадите, бидејќи не ги познаваат локалните обичаи и правила. Често пати тие биле уапсени, бидејќи не се во согласност со општествените закони, соопштиле од министерството за надворешни работи...

"Злосторствата" за кои се уапсени најчесто, на прв поглед изгледаат безопасно како на пример носење несоодветни облека или јадење во близина на црква. За тоа властите составиле листа со најчудните закони во светот, кој ги натера Британците да бидат повнимателни кога патуваат во странство.

Некои од најпознатите европски туристички дестинации имаат необични закони кои ги чинат туристите солени казни. Пример во Барселона е забрането да одите топлес, освен на плажа. Посетителите на Венеција пак не треба и да помислат да ги хранат гулабите, во Фиренца глобата е голема, ако ве фатат да јадете блиску до црква или друга јавна зграда. При посета во Холандија треба да сте внимателни со дрогата, бидејќи покрај релативно слободните закони, можете да бидете уапсени, ако ве фати со марихуана надвор "специјално назначените области".

Во Нигерија е забрането да се увезува во земјата минерална вода, а во Тајланд не можете да влезете со повеќе од 200 цигари.

Сингапур е познат по своите драконски правила и треба да не заборавите да ја плукнете гумата за џвакање, пред да се качите на метро. Во Барбадос има едно од најчудните правила. Таму е забрането да носите маскирна облека, па дури и децата.

Во Саудиска Арабија не можете да снимате воени објекти или владини згради, вклучувајќи палати.