Најстариот син дијамант во светот можеби ќе се продаде за цели 19 млн.долара на аукција во Хонг Конг во октомври, пишува Bloomberg. Каменот што тежи 7,59 карати, а се нуди од страна на компанијата Sotheby's, како дел од нејзината прослава за 40-годишнината на пазарите во Азија...
Обоените дијаманти, кои се околу 0.01% од сите скапоцени камења од овој вид, доминираат на пазарот на накит. Нивните цени на аукциите во последниве години расте вртоглаво бидејќи се екстремно ретки и вредни за колекционерите. Во ноември 2010 година, на пример, во Женева беше продаден 24-каратен дијамант за 45,6 милиони долари.
"Пазарот на обоени скапоцени камења е силен токму поради нивната уникатност. Тие се купуваат со цел инвестиција и можат да се користат како гаранција против случувањата на други пазари", вели директорот на лондонската златарска компанија "Ханкокс" Гај Бартон.
Дијамантот, кој ќе се продава во октомври, е наречен "The Premier Blue" и е најголем таков камен во светло сина боја, откриен досега. Пронајден е во рудник во близина на Преторија, Јужна Африка. Од Sotheby's одбиваат да се изјаснат кој е продавачот.
"Кружните камења се најпопуларните, а клиентите во Хонг Конг и Кина имаат афинитет кон обоените дијаманти. Се обложуваат дека "The Premier Blue" ќе се продаде на рекордна цена", коментира Бартон.
Пигментанцията на сините дијаманти се предизвикува од концентрацијата на бор во нив. Колку повеќе има од ова супстанција, толку поисветла е бојата. "The Premier Blue" сепак нема најсветла сина боја во светот. Каменот со таква се е продала на 24 април годинава за 6,2 милиони фунти во Лондон. Друг историски син дијамант - "Wittelsbach Diamond" - пак се продаде во декември 2008 година за 16,4 млн.фунти.
Се очекува дека на октомвриската аукција на компанијата Sotheby's ќе се потрошат повеќе од 600 милиони Хонг Конг долари, што е еквивалентно на 77,4 млн.САД долари.
