Слоницата Маџека од зоолошката градина во Тампа, Флорида, сама избра име за своето новородено женско слонче...
Пред Маџека поставиле два снопа сено, врз кои со моркови биле испишани две имиња: Мави и Мнгани ("Глас"/"Звук" и "Пријател"). Зборовите биле на јазикот "Сват", распространет во Свазиленд, каде слоницата пристигнува во 2003 година. Таа јс одбрала првата опција, имено Мави.
Интересно е да се знае дека првично биле предложени 5 варијанти за име на новороденчето. Сите тие почнуваат со буквата "М", за да бидат во склад имињата на мајката и ќерката. По онлајн гласање, организирано од зоолошката градина, посетителите избрале имињата Мави и Мнгани.
Малата Мави е првото дете на Маџека. Мајката е еден од 11-те слона, изведени од Свазиленд поради плановите на тамошните власти да ги убиваат поради недостиг на територија на локален природен парк.
