Стоматолог планира да го клонира Џон Ленон од негов прогнил заб...

Канадскиот стоматолог Мајкл Зек го купил забот на покојната ѕвезда за 20 000 фунти на аукција пред две години во Велика Британија и сега се надева дека со помош на научници од него да извлече ДНК на легендата на Битлси, за да создаде негова генетска копија.

"Ако научниците веруваат дека можат да клонираат мамути, тогаш Џон Ленон може да биде следниот. Потенцијалната можност да кажат дека имам мал удел во враќањето кон живот на една од најголемите ѕвезди на рокот би била преголема.

Ленон, кој беше убиен од полуден фан во Њујорк во 1980 година, го дал прогнилиот катен заб на својата домаќинка Дороти Џарлет, откако му бил изваден од заболекар во 60-тите години на минатиот век. Доктор Зек го користел забите, за да ја објасни опасноста од рак, но испратил честичка од емајлот во лабораторија за пронаоѓање на ДНК.

"Возбуден сум од можноста дека ќе можеме да го дешифрирате целосно ДНК-то на Џон Ленон, се надевам дека тоа ќе се случи многу наскоро. Многу почитувачи на Битлси се сеќаваат каде биле, кога слушнале дека Џон Ленон е убиен. Се надевам дека тие ќе го дочекаат и денот, во кој ќе слушнат дека му е дадена уште една шанса", изјави стоматологот.