Peter Sinclair, професионален дегустатор на сирење, решил да го осигура својот јазик на вртоглави 10 милиони долари...

Ова не е првпат некој поединец да го осигура она што го смета за најзначаен дел од своето тело, како на пример можеме да го споменеме и холандскиот винар, кој го обезбедил носот на 8 милиони евра. Лондонската компанија Lloyds, има развиено полиса за осигурување за Sinclair, во која се вклучуваат можните опасности од дегустацијата на сирење, во текот на водењето на својата работа.

Sinclair сега е човекот со најскапиот јазик во Австралија. "Мојот јазик е апсолутно составен дел на мојата работа. Од него заработувам за живот", рекол Sinclair, кој е еден од најдобрите дегустатори на сирење во Австралија. Ако мислите дека работата на Sinclair е лесна, обидете се да замислите како ќе мора да го надгледува производството на 13 милиони килограми на сирење секоја година, кои попат ќе мора и да ги дегустира.