Аеродромот О 'Хера во Чикаго ангажирал стадо кози, овци, магариња и лами за да пасат трева и така да се одржуваат тревниците...



Ламите ги штитат овците и козите од волци кои живеат во шумските области во близина. Магарињата исто така се доволно големи и агресивни да го одбранат стадото од предатори.

Пораснатата трева не е само неуредна, туку претставува и плодна почва за мали глодари, кои привлекуваат јастреби и други птици грабливки, кои можат да ја загрозат безбедноста на аеродромот, велат
управителите на аеродромот.

Чикаго претходно користел хербициди и машини за сечење на трева за одржување на речиси 3.200 хектари земјиште околу аеродромот. Но, карпестите и планинските области околу пистата биле тешки да се исечат, со што можело да се оштети скапата градска опрема. А и покрај тоа тие постојано морале да ги ловат животните кои го попречувале нормалното функционирање на аеродромот.

Затоа, "Windy City" одлучил да го следи примерот на аеродромот во Сиетл, Сан Франциско и Атланта и да се обиде со „старомоден“ начин.

Не е јасно колку успех ќе има стадото од 14 кози, 6 овци, 2 лами и 3 магариња. Планот е да набљудува колку долго ќе му биде потребно на стадото за да го исчисти секој дел од аеродромот. Ако тоа се покаже дека овој метод е успешен, можеби стадото ќе се зголеми.