Малком Мајат од Велика Британија, кој доживеал мозочен удар не може повеќе да почувствува тага, затоа што е уништен дел од неговиот мозок кој ги контролира емоциите...



Британецот (68), кој поминал 19 недели во болница, го изгубил чувството на левата страна, а ударот го погодил предниот дел од мозокот, кој ги контролира емоциите. Оттогаш забележал неколку промени, вклучувајќи ја краткотрајната меморија и верувањето дека загубата на тага е позитивна работа во неговиот живот.

Експертите потврдиле дека не е невообичаено ударот да предизвика психолошки, емоционални промени и променето однесување.

„Мозочниот удар можеше да биде мојот најлош непријател, но јас не го дозволив тоа. Сега ретко забележувам дека чувствувам тага“, рекол Малком.

Инаку Мајат е пензиониран возач на камион. Тој вели дека никогаш не е депресивен и дека тагата не би му помогнала во никој случај.