Женскиот пингвин Миси стана најстариот во светот, достигнувајќи 36 години, што е еквивалентно на 108 човечки години...

Постариот кралски пингвин пристигнал во природниот парк Бердленд во британскиот град Глочестершир кога бил на пет години во 1982 година и иако не гледа со едно око и до денес останува лидер на колонијата.

Вработените во зоолошката градина немале поим дека Миси е најстариот пингвин во светот, додека зоолошката градина во Данска добил титулата за пингвинот Џена кој бил со две години помал од неа. Сега вработените во британската зоолошка градина планираат да ги испратат податоците до Гинисовата книга на рекорди, за да докажат дека таа го соборила рекордот.

Кралските пингвини обично живеат најмногу до 26 години во заробеништво и меѓу 15 и 20 години, ако се на слобода во дивината. Миси троши поголемиот дел од своето време со партнерот од 18 години Сет, кој е на 34 години и има учествувано во филмот од 1992 година "Бетмен се враќа".

"Данската зоолошка градина неодамна објави дека смета дека пингвин Џени е најстариот во светот, достигнувајќи 34 години во мај. Иако не можеме категорично да одредиме возраста на Миси, знаеме дека таа беше постара, кога дојде во Бердленд, а кралските пингвини треба пет години за да созрее целосно", изјави менаџерот на зоолошката градина Симон Блеквел.

"Поради тоа треба да е најмалку 36 години, а може да е и значително постара. Кралските пингвини живеат до околу 26 години во заробеништво и уште помалку во дивината поради предаторите и болестите. Кога ја гледате Миси, не можете да ја почувствувајте нејзините возраст, таа се однесува како сите други пингвини овде", додаде тој.