Пингвинот Миси од Националниот парк во Глочестшир во Англија наполни 36 години, што се импресивни 108 "човечки" години, поради што стана најстарата птица во светот...



Кралскиот пингвин пристигнал во резерватот во 1982 година, кога имал само 5 години. И покрај губењето на видот, и понатаму е главен во своето јато.

Чуварите на паркот не знаеле дека Миси е најстарата птица, се додека не потврдила зоолошката градина во Данска, каде тој живее 2 години.

Вработените во паркот сакаат да пратат податоци за Миси во Гинисовата книга на рекорди, за да се формализира соборувањето на рекордот.

Кралските пингвини живеат во просек 26 години ако се затворени, а во дивината живеат од 15-20 години.

Миси поголем дел од својот живот, дури 18 години, живеела со својот партнер Сет, кој е исто така кралски пингвин, 2 години помлад од неа и кој се појавил дури во холивудскиот филм "Враќањето на Бетмен".

Иако најстара и слепа, Миси се движи со леснотија со помош на крилото и не заостанува во однос на другите пингвини.

Кралските пингвини се различни од обичните по нивните портокалови гради, образи и клунови. Тие спаѓаат во втората најголема група на пингвини кои достигнуваат тежина од 19 килограми и можат да се нурнат во длабочина од 100 метри.