Американецот Боби Роберт Тафт има само четири години, но два пати е избран како прв човек на малиот туристички американски град Дорсет во северна Минесота...

Само што тргнал во градинка, а веќе е градоначалник. Mомчето е градоначалник на град со 22 - 28 жители. Градоначалникот се избира со извлекување на имиња од шапка. Мандатот трае 12 месеци, а во тој период првиот човек на градот се занимава исклучиво со добротворни прилози.

Мајката на сегашниот градоначалник, Ема Тафтс, вели дека нејзиниот син навикнал на камери и фотоапарати, но сепак е се уште изненадена како тој сето тоа го поднесува.

„Не можев да поверувам дека беше повторно реизбран, и покрај тоа што човекот што го извади неговото име беше со врзани очи“, раскажува мајката на најмладиот градоначалник во светот.

На прашањето како се чувствува нејзиниот син поради бројните телефонски интервјуа, таа рекла дека нејзиниот Боби рекол дека "само сака да си игра со децата".