Сигурно ќе ви проработи адреналинот ако се упатите во Насау, главниот град на Бахамите, во хотелскиот комплекс со воден парк "Atlantis Paradise", затоа што таму ќе имате можност да се соочите очи во очи со морските чудовишта...



Во аква паркот, кој зафаќа површина од 570 хектари можете да видите сè, од мали пирани до големи ајкули, а низ аквариумот можете да се прошетате преку мрачните и тивки тунели.

Во комплексот има 12 базени и 18 тобогани, од кои еден е најпопуларниот тобоган, затоа што поминува преку базен опкружен со ајкули, наречен "Храмот на Маите", имитација на храмот на Мајското племе.



Посетителите се спуштаат по тобоган со неверојатна брзина од 55 км/час и проѕирен тунел долг 18 метри, кој поминува преку базен во кој се чуваат ајкули. За време на минувањето низ тунелот ќе имaте можност одблиску да се погледнете очи во очи со крволочните предатори, со кои ќе бидете разделени на само неколку сантиметри од стаклото.