Специјален билборд во Лима, главниот град на Перу, е единствен од цел свет затоа што произведува вода за пиење...
Од билбордот секојдневно истекува 100 литри вода, која се собира од воздухот.
Лима е најголемиот град во Перу и постојано има проблем со недостиг на вода за пиење и огромна влажност во воздухот.
Поради тоа што се наоѓа во близина на Пацификот, во Лима има исклучително високо ниво на влажност, дури 98%. Зголемената влажност се користи за буквално да се извлече вода од воздухот.
Влажниот воздух што влегува во билбордот најпрво поминува низ воздушен филтер, потоа доаѓа до кондензатор, се филтрира со јаглен, кој се користи за прочистување на водата од штетните материи.
Од поставувањето на билборди пред три месеци се произведени 9.450 литри вода. Жителите на Лима се надеваат дека такви билборди ќе се постават низ целиот град, кој после Каиро е најголемиот град во светот сместен во пустина.
