Евин Дугас (38), социјална работничка од Лузијана, САД, влегла во Гинисовата книга на рекорди за нејзината необична фризура...



Поточно, Дугас има афро фризура со големина од 1,32 метри во дијаметар. И требале 14 години да стигне до сегашната должина на коса и пропорции. Иако е многу горда на својата необична фризура, таа признава дека понекогаш е многу тешко да се одржува.

Евин порано преферирала рамна коса, постојано се фенирала само за да ја исправи косата, но тогаш сфатила дека има преубава коса.

„Афро е мојата природна фризура и никој не би можел да има поубава од неа“, рекла таа пред 14 години и почнала да ја негува нејзината денешна коса.

Дугас стана светска рекордерка во 2010 година. Нејзината "микрофонка" оттогаш примамува само љубопитни погледи, популарноста и се зголемила, а секојдневно голем број на луѓе се прашуваат дали навистина станува збор за природна коса.

Евин планира да ја пушти косата колку што може повеќе, иако веќе и е проблематично да ја одржува големата "топка" на главата. Има проблеми кога оди под дрвја, бидејќи коса постојано и се заплеткува во лисјата и гранките, не може да гледа во ретровизорското огледало се додека целосно не ја сврти главата и не може да поднесе кога луѓето ја допираат за косата без дозвола.

3 пати во годината ги крати расцветаните краеви, а негата ја одржува со пет препарати кои се ставаат на косата по миењето. Потребни и се два дена за да може косата целосно да се исуши, а Евин дури се сеќава и дека еднаш ја сушела косата од недела до среда.