Австралиецот Феликс Земдегс (17) стана светски првак во класично сложување на Рубикова коцка...

Како што пренесува телевизија "Sky News", младиот Австралиец ги сложил сите полиња од шарената сложувалка за 7,36 секунди.

Тој ја освоил титулата на светски шампион и награда од 4500 $ на турнирот кој се одржал во Лас Вегас, со учество на над 550 натпреварувачи од 37 земји.

„Тајната за брзото редење на коцката не се разликува од тајните за шах или готвење“, објаснува Тајсон Мао, претседател на Светската асоцијација на сложувачи на Рубикова коцка.

„За освојување на шампионската титула е потребен талент, но верувам дека со доволно вежбање и напор, секој може да ја сложи Рубиковата коцка за помалку од 30 секунди“, додал тој.