Американецот Ричи Паркер (30) е момче родено без раце, но овој хендикеп се разбира не го спречил да продолжи да го живее животот исто како и "нормалните" луѓе...

Ричи како дете возел велосипед и успеал да создаде систем кој ќе му овозможи самостојно да вози автомобил. Така станал инженер во еден од најуспешните NASCAR тимови во историјата.

Поголемиот дел од луѓето со хендикеп го користат својот физички недостаток како изговор поради кој не можат да направат многу работи. Ричи го направил токму спротивното - тој докажува дека било каков хендикеп не смее да претставува никаква пречка за „нормално“ живеење. Паркер обожава автомобили, па затоа со помош на колега инженери дизајнирал уред кој му овозможува да управува со волан со своите стапала.



„Кога разгледувавме на кој начин би можеле да го прилагодиме автомобилот, многумина ми рекоа: `Што ќе ти е, ако веќе имаш автобус или такси во твојот крај, користи ги нив за превоз?` Сепак, ако го направев тоа, тогаш тоа не би бил јас“, вели момчето што го исполнило својот сон и си купило навистина редок автомобил Шевролет Импала од 1964 година.

„Не мислам дека постојат многу работи во животот што не можам да ги направам. Мислам дека со тие работи се уште не сум се обидел“, додава Ричи.