Познато е дека во текот на летото во густо изградените градски подрачја е потопло. Специјалистите го дефинираат овој феномен како ефект на термичките острови во урбана средина (Urban Heat Island Effect) или едноставно градската клима, која ја создаваат асфалтниот коловоз и огромното количество бетон...
Виена наоѓа решение на овој проблем преку уредувањето на фасади. Зелените фасади имаат големи предности од еколошка гледна точка - тие не само што ги ладат просториите, но и влијаат врз микроклимата во зградите. Пошумувањето на фасадите не е комплицирано, а Општина Виена го спонзорира со до 2200 евра за објект. Освен тоа, оваа година таа ќе подари бесплатно 20 000 растенија. Љубителите кои сакаат да се вклучат во иницијативата можат да добијат и бесплатни консултации во одделот "Градски градини и паркови" на општината.
Еден од пилот проектите за уредување во австриската престолнина е фасадата на одделот за "Чистота", имплементиран пред три години. На површина од 850 квадратни метри се закачени метални кашпи со вкупна должина 2850 метри, каде што беа засадени повеќе од 17 000 повеќегодишни тревести растенија. Научните истражувања покажуваат дека ефектот од испарувањата на зелената фасада одговара на работата на 45 клими со моќност 3000 вати за осум часа. А во зима на тој начин се намалува загубата на топлина до 50%.
Уредувањето на фасади се применува пред се таму каде што недостасува место за традиционалните пејсажи со дрвја и грмушки. Овие зелени оази во урбаната средина обезбедуваат соодветно место за живот на поин птици и корисни инсекти и така го приближуваат животот во градот до природата.
