Ако навечер ви е топло и не можете да заспиете, еве неколку предлози како да се разладите и да си ја олесните ноќта...

Избегнувајте да носите пижами од вештачки материјали, туку држете се до оние од памук или свила. Тие, тврдат стручњаците, ја одржуваат температурата на телото подоро отколку кога спиете голи.

Исто така важен е и изборот на материјал со кој се покривате. Најдобро е покривачот и душекот да бидат од природни влакна, како што е памукот. Тие најдобро ја следат температурата на вашето тело, ве ладат кога ви е претопло и ве греат кога е потребно.

Експертите исто така предлагаат перницата преку ден да ја држите во фрижидер, се до времето кога ќе легнете во кревет, бидејќи така послесно ќе заспиете.

Кога ќе легнете обидете се малку да ги раширите рацете и нозете, за да ви биде попријатно и додатно да не се греете самите себе.

Нека воздухот циркулира во просторијата - користете вентилатор, клима или едноставно отворете го прозорот или вратата. Преку ден спуштајте ги ролетните и повлечете ги завесите за просторијата да не се загрее премногу, а прозорот отворете го дури приквечер, кога сонцето ќе зајде.

Ако во текот на ноќта се будите затоа што ви е жешко, ставете ги рацете и рачните зглобови под млаз ладна вода неколку минути и после тоа вратете се во кревет.